Spekkhoggaren Keiko vart verdsstjerne etter å ha spelt Willy i den første av dei tre amerikanske Free Willy-filmane.
Vart pensjonist i Halsa
Som pensjonist fann Keiko vegen til Halsa. Der holdt han til fram til sin død i desember 2003. Då hadde han vorte eit stort trekkplaster i den vesle kommunen på Nordmøre.
I ettertid vart det laga ei minnerøys over spekkhoggaren.
I programmet Norsk attraksjon i fjor tok Linda Eide til orde for å gi røysa eit eige skilt.
SJÅ VIDEO:
LES:
Vil ha Keiko-skilt
No går også fylket i dei same tankane. Fylkeskonservatoren i Møre og Romsdal tilrår at det vert sett opp eit attraksjonsskilt ved Taknesbukta i Halsa, der Keiko er gravlagd.
- Det er veldig flott at ikkje Keiko går heilt i gløymeboka, seier reiseprosjektleiar Juanita Møkkelgård i Halsa.
Ho trur Keiko gjorde spesielt stort inntrykk på born i rolla som Willy. Ho trur det er desse som har vorte vaksne, og som no gjerne tar eigne born med til spekkhoggargrava.
- Framleis ser me at det kjem nye steinar på gravrøysa, både frå nordmenn og utlendingar. Nyleg var der komne minnesteinar frå personar frå Australia og spansktalande turistar, seier Møkkelgård.