Kristiansund-politikaren Geir Nordli er sjokkert etter at han fekk den endelege beskjeden om at han er ekskludert frå Senterpartiet.
– Eg har ikkje fått innsyn i saka, så eg veit ikkje kvifor eg er ekskludert. Ingen har ringt meg undervegs i prosessen. Eg veit rett og slett ingenting. Dette liknar eit justismord, seier Geir Nordli NRK.
Kasta anken
Nordmøringen vart landskjend då han i september vart ekskludert frå Senterpartiet berre halvanna år etter at han måtte slutte i Framstegspartiet, den gongen av politiske grunnar.
Men sidan Nordli anka og sentralstyret trong tid på å behandle anken, tok det nesten to månader før Kristiansund-politikaren vart endeleg ekskludert.
Beskjeden om at Nordli vart ekskludert kom via advokaten Erik Wold 2. november.
I vedtaket signert generalsekretær Knut M. Olsen står det:
Til NRK seier Olsen at Nordli bør vere godt nok informert om grunnen til ekskluderinga.
– Geir Nordli vart informert skriftleg om vedtaket i fylkesstyret og grunnlaget for fylkesstyrets eksklusjon, i tillegg til anna saksgang, seier Olsen.
Og legg til at då Nordli anka ekskluderinga skreiv han «en utførlig redegjørelse for sine synspunkt».
– Dømd utan forsvar
Men etter vedtaket 9. september har ingen i fylkesstyret eller sentralstyret tatt kontakt med Nordli, noko heller ikkje Senterpartiet tilbakeviser.
– Ingen møte. Ingen mailar. Eg er dømd utan forsvar, fortvilar Geir Nordli.
I ein e-post NRK har fått tilgang til skriv Nordli sin advokat Erik Wold: «Etter mitt syn er ikke dette juridisk holdbart, både hva gjeld nektelse av innsyn og eksklusjon på dette grunnlag.»
Då Møre og Romsdal Senterparti offentleggjorde at dei hadde ekskludert Nordli 9. september skreiv dei følgjande i ei pressemelding:
Innlegget var signert fylkesleiar Tove Henøen.
– Må beskytte varslarane
Til NRK seier Geir Nordli at han ikkje veit kven han eventuelt skal ha trakassert og korleis.
– Eg veit heilt sikkert at eg ikkje har trakassert nokon. Og eg har ikkje fått vite korleis eg eventuelt når eg skal ha gjort det, seier Nordli.
Som tidlegare har lurt på om grunnen til ekskluderinga kan vere at han stilte spørsmålsteikn ved om Senterpartiet i Kristiansund burde ha ein ufør ordførarkandidat. Men det har ingen så langt bekrefta.
Ifølgje Tove Henøen kan ikkje Nordli få innsyn i varsla fylkesstyret fekk.
– Geir Nordli har bede om å få innsyn i varsla. Men det kan vi ikkje gi. Vi må beskytte varslarane, seier Henøen til NRK.
PS. Geir Nordli blir den fjerde medlemmen på 25 år som blir ekskludert frå Senterpartiet, ifølgje Knut M. Olsen.