Kan få pris for turisttilbod

Fylkeskommunen er nominert til Kollektivprisen for å ha utvikla tilbodet "Travel like the locals" der turistar kan reise med vanleg rutebuss og oppleve ulike attraksjonar. Tilbodet blir omtalt som innovativt fordi det gir turistar unike og rimelege opplevingar. Fylket har utarbeidd pakkeløysingar for utvalde turiststader der dei reisande kan kjøpe billettar til ulike strekningar på førehand. Prisen blir delt ut i Oslo 2. november.