Samferdselsutvalet i Møre og Romsdal går inn for eit rushtidstilbod som også inneber at anløpet på Vikebukt blir lagt ned. Det skjer i samband med at hurtigbåtrutene skal ut på anbod.
- Les også:
Dette er ei løysing som ordføraren i Vestnes, Geir Inge Lien (Sp), likar svært dårleg.
– Det er veldig viktig at tilbodet over Romsdalsfjorden blir heldt ved like så nært dagens nivå som mogeleg.
Vil kjempe for båten
Ordførar i Vestnes, Geir Inge Lien (Sp) og Molde-ordførar Torgeir Dahl lover å kjempe vidare for å halde oppe tilbodet til Romsdalsruta.
Foto: Trond Vestre / NRKHan innrømmer at tilbodet er bra i rushtida, men han er ikkje nøgd utanfor desse tidene. Han vil ha kontinuitet og sjansen til å føresjå at båten er der når ein treng han.
Hurtigbåten mellom Molde og Vestnes er det einaste sambandet som kjem til å gå over fjorden når Møreaksen er på plass. Lien vil gjer sitt beste for at dette tilbodet ikkje vert nedlagt.
– Syklistane treng båten
Ordføraren i Molde, Torgeir Dahl (H), deler Liens meiningar. Han vil kjempe mot reduksjon av dagens tilbod.
– Eg trur at dette er ei tilrettelegging av gradvis nedlegging – og slik det er i dag er vi allereie på ei kritisk grense. Vi bør heller vidareføre dette tilbodet, meiner Molde-ordføraren.
Han dreg fram ulempene rundt Møreaksen. Det blir ein undersjøisk tunnel, og ikkje mogleg for syklistar og gåande å reise gjennom.
– Derfor har vi behov for ein alternativ måte å kome seg over Romsdalsfjorden på. Hurtigbåt er det alternativet – og difor må vi sørge for at den blir utvikla vidare. seier Dahl.
