NRK Meny

Jönsson gjekk i bakken med mystisk leggskade

– Det smalt i leggen som ein hagle, sa svensken.

Jönsson på bakken

Jan Jönsson på bakken etter at han fekk ein mystisk leggskade på trening.

Foto: Mattias Rolighed Bergset

Artikkelen er mer enn to år gammel.

Jan Jönsson ser ut til å få ein smertefull avskjed med Aalesund etter at han på dagens trening gjekk i bakken med ein mystisk leggskade.

Plutseleg låg den svenske trenaren på kunstgraset, og mange spelarar samla seg rundt trenaren. Fysioterapeut Jonas Nordal var raskt på plass og det var tydeleg at Jönsson hadde store smerter.

Trudde akillesen rauk

Måtte hjelpast ut

Jönsson må hjelpast av bana med store smerter i leggen.

Foto: Mattias Rolighed Bergset

Jan Jönsson kunne ikkje gå etter skaden og måtte ha hjelp for å komme seg av bana. Det første han tenkte var at akillesen hadde gått av.

– Eg trudde det var akillesen. Det smalt i leggen, nesten som ei hagle, sa Jönsson like etterpå.

Det medisinske apparatet i klubben må no undersøke nermare kva som har skjedd, men det skal dreie seg om ein muskelskade i leggen.

To kampar igjen

Det er uklart kor gale skaden er, men mykje kan tyde på at Aalesundtrenaren må stille med krykker på sin siste kamp på Color Line Stadion.

I går informerte Jönsson spelarane om at han vil slutte som trenar i Aalesund etter sesongen. Svensken har derfor berre to kampar igjen i klubben før han reiser tilbake til Sverige.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.