NRK Meny

Jonevret rosar Hoseth

Moldetrenaren gir skryt til Magne Hoseth som har takla motgangen godt.

Magne Hoseth, MFK
Foto: Roar Strøm / NRK

Kilde: NRK

Artikkelen er flere år gammel.

Hoseth kan vere inne på førstelaget igjen alt onsdag.

Profesjonell

Hoseth har vore fast inventar på reservebenken så langt i år, men har tatt utfordringa på ein måte som trenaren set pris på. - Han har vore "pigg" på treningane. Han har vore utruleg profesjonell. Eg forstår korleis han har hatt det. Det har vore tøft for han å ikkje få spele og få spørsmål om dette heile tida. Samstundes har han jobba "jättebra" på treningane heile tida. Han har visst at sjansen skulle kome. Om dette skjer alt på onsdag eller seinare får vi sjå, seier trenar Kjell Jonevret.

"Jättebra"

Trenar Kjell Jonevret er svært godt nøgd med korleis Magne Hoseth har takla motgangen på. - Han har takla dette "jättebra" og er "pigg" og glad. Det var kul for han å få skore mål sist også, seier Jonevret.

Står på

Magne Hoseth med fleire A-landskampar og spel for FC København og Vålerenga har ikkje greidd å spele seg inn på laget i år. Men står hardt på når han kan. - Eg bidreg når eg kjem inn og eg bidreg på trening for at dei andre skal løfte seg. Så får vi sjå når tida mi eventuelt kjem. Den kjem, men når den kjem veit vi ikkje. Eg spelte ein god kamp mot Aalesund. Det er laget som betyr noko, ikkje enkeltspelarar, seier han.

Aldri langt unna

Kjell Jonevret seier Hoseth aldri har vore langt unna ein plass i første 11'aren. - Han har aldri vore langt unna. Samstundes har vi spelt veldig bra på midtbana i Molde. Derfor har eg ikkje funne grunn til å endre på noko. Vi veit vi kan lite på Magne den dagen det trengs, seier Jonevret.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.