Ingen store vindskadar
Politiet har ikkje fått inn meldingar om store skadar som følgje av kraftig vind i går kveld og i natt. Likevel tok vinden til tider tak, mellom anna i ei trampoline i Ålesund. Særleg ved Stad var det venta full storm torsdag kveld og natt til fredag. På kysten var varselet dreiing til sørvest liten storm, men lokalt kraftige vindkast. Fredag er det venta sørvest stiv kuling utsette stader, sterk kuling og til dels liten storm på kysten, som minkar til sørleg frisk bris, stiv kuling på kysten.
