På styremøtet i Helse Midt-Norge i dag kom det fram at fleire styremedlemar er sterkt uroa over økonomien til Helse Møre og Romsdal, og at det kan bli nødvendig å utsette bygginga av eit nytt sjukehus.
Forstår uroa
Dag Hårstad seier han har registrert uroa hos enkelte medlemmer, men er ikkje uroa for sjukehusbygginga. Likevel kan han forstå at styret i Helse Midt- Noreg er urolege for den økonomiske berekrafta til alle investeringsprosjekta i helseregionen.
– Den uroa deler vi. Men vi har ein langsiktig strategi for korleis Helse Møre og Romsdal skal kome i både faglege og økonomisk balanse. Planen er slik at vi skal klarer å løfte både dei andre store investeringane som skal skje i helseregionen, og få bygd nytt sjukhus for Nordmøre og Romsdal, seier han.
Dermed meiner han også at det blir tatt ei avgjerd på forprosjekt til nye-sjukehuset hausten 2016, og ei avgjerd om investeringar hausten 2018.
Redusere kostnadsnivået
Hårstad presiserer at Helse Møre og Romsdal held seg til styrevedtaka som er gjort, og at det blir arbeidd knallhardt for å få betre grep om økonomien.
Ei samla leiargruppe er klar på at dei skal klare å redusere kostnadsnivået endå meir i løpet av andre halvår.
– Det er ein tung jobb, men vi er i gang og jobbar no systematisk for å oppfylle føresetnadene for å få til alt det som skal skje. Dette har eg ei samla leiargruppe med meg på, seier Hårstad.
ID: 1.12082869
Tung jobb
I desse dagar jobbar Helse Møre og Romsdal med kva prosessar dei som organisasjon kan å køyre for å redusere kostnadsnivået, og samtidig halde opp eit godt fagleg tilbod for innbyggarane i fylket.
– Denne balansen vi jobbar systematisk med no, og eg er ikkje i tvil om at vi vil klare å kome i mål, avsluttar Dag Hårstad.
Styret i det lokale helseføretaket skal vere med på eit felles styremøtet i Helse Midt-Noreg i september.