Mannen blei opphavleg dømt til 18 års fengsel for drap under særdeles skjerpande omstende.
Det var i oktober i fjor at Åge Stavran blei funnen død i husveret sitt, etter eit branntilløp.
Dermed har forsvarar Håkon Sætre Rasmussen fått gjennomslag for sitt standpunkt i lagmannsretten si ankebehandling.
– Straffa er fornuftig ut frå domspremissane, seier han.
Ankesaka
Både den no 23 år gamle hovudmannen og ein av dei to meddømte anka.
I retten blei drapet skildra som rått og brutalt. Stavran blei drepen med øks og brevopnar, og liket blei skjenda. Dagen etter drapet blei dessutan husveret til den drepne tent på for å skjule spor.
I tingretten hevvda aktor Magne Nyborg at den opphavlege straffa var korrekt, medan forsvararane ville ha lågare straff. Statsadvokaten ønskjer ikkje å gi nokon kommentar no, fordi han ikkje har fått sett seg inn i domen.
- Les også:
Fornøgd med premissane
Også den då 19 år gamle meddømte mannen har fått redusert si straff, frå tre og eit halvt til tre år. Forsvarar Javeed Hussain Shah meiner den skulle vore enda enda seks månader kortare, men er likevel fornøgd med dommen.
– Klienten min si rolle kjem tydelager fram i denne dommen, og det er vi fornøgde med, seier han til NRK.