To foreldre i lykkerus - feira Ragnhild med champagne

Ragnhild Mowinckel gjorde i dag det ingen norsk kvinne har gjort i OL sidan 1936. Moldensaren køyrde inn til sølv i storslalåmrennet. I Molde sat to foreldre i lykkerus.

Harald og Sissel Mowinckel

Foreldra til Ragnhild Mowinckel er stolte over det dottera har prestert under OL.

Foto: Alf-Jørgen Tyssing / NRK

I Molde var det frisk vind og vaiande flagg til ære for Ragnhild Mowinckel i dag. Både i sentrum og heime hos foreldra var flagga heisa til topps.

Ordførar Torgeir Dahl heisar flagget for Ragnhild Mowinckel

Ordførar Torgeir Dahl heisa flagget for Ragnhild Mowinckel i Molde.

Foto: Gunnar Sandvik / NRK

Natt til torsdag følgde dei spent med då dottera blei historisk. Ragnhild Mowinckel køyrde inn til sølv i storslalåm, og fekk dermed Noregs første kvinnelege alpinmedalje i OL sidan 1936. Heime i Molde sat to foreldre i lykkerus.

– Eg byrja å håpe på medalje då ho låg på fjerdeplass etter første omgang. Nervane var ganske frynsete. Eg hadde relativt høgt blodtrykk, seier far Harald Mowinckel.

– At vår Ragnhild greidde dette. Eg kan nesten ikkje forklare det, det er veldig stort, seier mor Sissel Mowinckel og er tydeleg rørt.

Endeleg gjekk det vegen

Vegen til sølvmedalje i OL har vore lang. Mowinckel debuterte i verdscupen i januar 2012 og har hatt fleire oppturar og nedturar sidan då. Ho har prestert bra på trening, men det har vore lenge mellom topplasseringane. 25-åringen har tidlegare vore open om kjensla av å føle seg mislykka.

OLYMPICS-2018-ALPS-W-GS/

ENDELEG: Ragnhild Mowinckel køyrde seg opp frå fjerdeplass i førsteomgangen og tok sølv 82 år etter at Laila Schou Nilsen tok den siste norske OL-medaljen i alpint for kvinner.

Foto: JORGE SILVA / Reuters

I desember kom ho for første gong på pallen i eit verdscuprenn. I januar presterte ho karrierebeste under storslalåmrennet i Kronplatz. Og i morgontimane torsdag skjedde det ho har jobba mot så lenge.

– Det er ein ting eg har drøymt om og håpa på i så mange år. Eg greier ikkje å beskrive alt som skjer. Det er kaos no, men det bra kaos, sa ei overlykkeleg Mowinckel då sølvmedaljen var i boks.

Foreldra har støtta og følgt Ragnhild i tusenvis av timar frå ho starta med alpint. Far Harald var trenar for Ragnhild dei første åra, og såg tidleg at ho hadde talent.

– Ragnhild var åtte år og vi måtte køyre ei humpete løype for å kome oss ned skibakken. Eg blei verkeleg forbikøyrd og huska eg tenkte, dette må vi satse på.

Trur på fleire medaljar

For foreldra har det vore tøft å sjå dottera oppleve motstand og nedturar. Men tolmod og humør har vore Ragnhild sitt varemerke. Det har ho fått utteljing for no.

Harald Mowinckel

Far Harald Mowinckel trur på fleire medaljar under årets OL:

Foto: Alf-Jørgen Tyssing / NRK

– Ho har visst at ho har vore god nok på alle plan, men problemet har vore å få det ut. Eg er så glad for at ho endeleg får det til, det er det største for meg. Det er klart ei OL-medalje er stort, men eg er mest rørt av at det endeleg losna, seier Sissel med tårer i auga.

I kveld blir det full fest i Molde.

– Vi synest det blei lit tidleg med champagne i dagtidleg, men i kveld skal vi feire, seier foreldra med eit smil.

Familien håper dei vil få meir å feire i dei komande dagane.

– Eg trur at utfortraseen i Super-G vil passe ho vore bra. Ho har tidlegare gjort det bra i denne øvinga og no begynner ho å finne forma si, seier far Harald.

Foreldrene til Sølvvinner Ragnhild Mowinckel har nesten ikke forstått at lillejenta ble historisk i dag da hun tok sølv i kvinnenes storslalom i OL i natt.

Foreldra til Ragnhild Mowinckel er stolte over det dottera har fått til i OL.

Laster innhold, vennligst vent..