– Dette er svært gledelege nyheiter. Vi tok opp dette med Håkon Bertheussen i vinter, og eg veit at mange andre har gjort det same.
Det seier Ottar Grepstad i Nynorsk Kultursentrum til NRK.no, når han får meldinga om at Wordfeud skal lanserast på nynorsk.
Stor interesse for nynorskversjon
– Eg har registrert interessa om Wordfeud på nynorsk, og vi har fått mange spørsmål, fortel Håkon Bertheussen til Framtida.no.
- LES OGSÅ:
- LES OGSÅ:
Ein eksakt lanseringsdato for nynorskversjonen av ordleikspelet er derimot ikkje klart.
– Vi ser på det akkurat no, og håper å få alt klart i løpet av hausten, seier Wordfeud-gründeren.
Saka held fram under bildet.
Wordfeud er ein mobilversjon av det kjende brettspelet Scrabble. Det går ut på å gjere bokstavar om til ordkombinasjonar verdt mest mogleg poeng.
Foto: Hans-Olav Rise / NRK
Når nynorskversjonen av Wordfeud blir lansert vil Ottar Grepstad, direktør i Nynorsk Kultursentrum, òg laste ned spelet.
Foto: Øyvind Berge Sæbjørnsen / NRK– No skal eg òg laste ned spelet
Fleire gonger har spørsmål, krav og etterspurnader om Wordfeud på nynorsk kome opp, både frå Noregs Mållag, kommunar og organisasjonar.
- LES OGSÅ:
No kjem altså den etterlengta nynorskversjonen. Det gjer at sjølv den rutinerte Ottar Grepstad, som blir 60 år i 2013, skal bli spelentusiast.
– Eg har ikkje spelt spelet tidlegare, men no må eg vel starte. Opp gjennom åra har eg derimot spelt mykje Scrabble, fortel Grepstad.
Han meiner nynorsk på plattformer som mobilspel og i underhaldningsbransjen generelt er viktig for språket i Noreg.
– I spel som Wordfeud blir det forskjell på språk, og då må der vere ein eigen nynorskvariant. At dei no lanserer ein nynorskversjon viser at dei tek det norske språket på alvor.
– No blir det opp til publikum å bruke spelet, og folk får gjere seg klare til å spele Wordfeud sånn det verkeleg skal spelast, humrar Grepstad.
Denne montasjen blei laga då fleire og fleire etterspurte ein nynorskversjon av dei enormt populære mobilspelet.
Foto: Montasje / NRKFortel at Språkrådet kan hjelpe
Tidlegare i år blei ordlista i bokmålsversjonen av Wordfeud endra frå Norsk Ordbank til Norsk Scrabbleforbund si offisielle ordliste.
- LES OGSÅ:
- LES OGSÅ:
Når nynorskversjonen skal lanserast blir Norsk Ordbank brukt, fortel Bertheussen.
– Mitt beste råd er at utviklar tek kontakt med Språkrådet. Då kan dei få hjelp til å finne dei absolutt beste ordlistene, og sikre at spelet blir så godt som mogleg, seier Grepstad.
Til slutt avslutta ein Grepstad i godlynne med følgjande:
– Det er kjekt at nynorskversjonen endeleg kjem. Når nynorskmiljøa pratar lenge nok, så løyser sakene seg. Det ser vi gjentekne gonger. Somme ting tek 85 år, andre tek nokre månader.
