I dag startar førehandsstemminga via internett.
Ålesund er ein av ti kommunar i landet, som prøver ut elektronisk val.
Det spesielle i Ålesund er at også 16 og 17-åringane får røyste ved kommunevalet 12. september.
Spent på veljarane
Bysekretær i Ålesund, Tore Hals, er spent på kor mange som vil delta i valet.
– Eg håper at mange vil prøve å stemme elektronisk. Eg har snakka både med elde og yngre som seier at dei vil prøve dette, seier Tore Hals.
Forsøket vekkjer merksemd
Det elektroniske forsøket er unikt i verdssamanheng.
Innbyggjarane vel sjølv om dei vilstemme på vanleg måte valdagen eller om dei vil stemme via internett. Vel ein å gjere det via PC-en, kan ein stemme fleire gongar, men det er berre den siste stemma som vert teljande.
Fleire unge vil stemme
- Eg trur mange som ikkje ville ha stemme til vanleg, vil gjere det no, fordi det er enklare, seier Kristine Stokke Hoddevik i AUF.
Monica Molvær, Høgre sin ungdomskandidat i Ålesund, trur valdeltakinga vil auke blant dei yngste veljarane.