Mann til sjukehus etter husbrann

Alle naudetatar rykte ut etter meldingar om ein brann i ein einebustad i Eidsvåg i Nesset like etter klokka 05.30 fredag morgon.

Ifølgje 110-sentralen i Møre og Romsdal var det mannen som budde i huset som varsla om brannen, og han klarte å kome seg ut av huset på eiga hand.

– Huseigar meldte om brannen sjølv og kom seg ut av huset, fortel brannmeister Aage Henriksen til NRK.

Mannskap frå Nesset brannvesen kom på plass klokka 05.45 og byrja med sløkkingsarbeid, men det var ikkje råd å berge huset.

Klokka 06.37 opplyser politiet på Twitter at mannen som var i huset er sendt til sjukehus.