NRK Meny

Høyball datt av hengar og trefte bil

Politiet etterlyser no ein bilførar etter at ein høyball datt av ein tilhengaren og trefte bilen bak.

Det var like etter klokka 19.00 søndag kveld at Innfjordtunnelen på strekninga mellom Vestnes og Åndalsnes måtte stenge på grunn av eit trafikkuhell. Alle naudetatane rykte ut til tunnelen.

– Ein høyball datt av ein bilhengar og trefte bilen som kom bak. Ingen personar blei skadd i uhellet, men bilen fekk materielle skader, seier Rolf Anders Korstad, operasjonsleiar for politiet.

Bilfører kunne sjølv køyrde den skadde bilen ut av tunnelen, og den blei opna igjen etter kort tid.

Etterlyser bilførar

Politiet etterlyser no bilføraren som drog hengaren.

– Vi ber om at føraren som drog hengaren melder seg på 02800, seier Korstad.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.