NRK Meny

Ser enormt potensial etter råsterk bortesiger

Etter ein svært sterk 3-1-siger borte over Mjøndalen, ser Hødd-trenar Sindre Eid ingen grunn til at laget ikkje kan halde på minst den tabellplasseringa dei har. Per no er Hødd nummer tre i 1. divisjon.

Jesper Törnqvist

Hødd-kaptein Jesper Törnqvist scora det første målet då Hødd vann 3–1 borte mot Mjøndalen.

Foto: Hans-Olav Rise / NRK

Artikkelen er flere år gammel.

Laster innhold, vennligst vent..

– Vi har sagt at vi vil vere med å prege øvre del av tabellen. I mai er det åtte serie- og cupkampar, så det handlar om å nullstille og vere klare. Det skal vi vere, og det er ei fantastisk spelargruppe. Vi ønskjer meir, mykje meir, seier Hødd-trenar Eid til NRK.

Etter fem seriekampar står Hødd med tre sigrar, eitt tap og éin uavgjort. Utanom poengtapet i andre serierunde med 1–1 mot Tromsdalen, er Eid godt fornøgd.

– Vi burde tatt to poeng til der, men det tenkjer vi lite på no. Vi skal glede oss over prestasjonen og poenga mot Mjøndalen i kveld, før vi tenkjer Strømmen og skal førebu oss mot søndag i morgon, fortel Eid.

Søndag 4. mai spelar Hødd sin andre av i alt sju seriekampar i mai. Motstandar er Strømmen – som Kristiansund spelte 3–3 mot borte torsdag kveld.

Sindre Eid

Hødd-trenar Sindre Eid var fornøgd etter 3–1 borte mot Mjøndalen. No ser han fram til ny kamp søndag på Høddvoll mot Strømmen.

Foto: Hans-Olav Rise / NRK

Ser framgang offensivt

Borte mot Mjøndalen opna Hødd til 0–1 etter sju minutt ved kaptein Jesper Törnqvist, før Alagie Sosseh utlikna til 1–1 i det 21. minutt.

Eirik Ulland Andersen scora 1–2 etter 31 minutt, medan Ole Amund Sveen la på til 1–3 på overtid i andre omgang.

– Det var ein sterk bortekamp av oss, der vi trefte godt med kampplanen. Eit nytt steg i rett retning, noko som er godt å sjå, seier Eid.

Trenaren fortel at tabell og førebels tredjeplass ikkje er i tankane.

– Den er som den er. Det viktigaste er at vi ser at laget er i utvikling og blir betre og betre. Det er vi opptekne av. Vi er flinke defensivt, noko vi tok med frå i fjor, og det sit etter kvart i relasjonane offensivt òg. Nye spelarar er med, og då blir totalen bra, konkluderer Sindre Eid.

– Vi vil halde fram med å vinne så mange fotballkampar som mogleg, så får vi telje opp til slutt. Men det er eit veldig potensial i mannskapet – det er det ikkje tvil om, avsluttar Hødd-trenaren.

Laster innhold, vennligst vent..

Siste video/lyd

Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.
Eit heilt spesielt forskingsprosjekt er i gang ved Runde i Herøy. Aldri før er det gjort ei så stor undersøkning med bruk av ny teknologi langs kysten for å kartlegge øko-miljøet. Målet er mellom anna å finne ut kvifor bestanden av toppskarv og lundefugl går så kraftig ned.