Den 20 år gamle Vard Haugesund-spelaren Eirik Ulland Andersen, som kan spele både på høgre og venstre kant, har signert kontrakt med Hødd ut 2013 i fyrste omgang.
Ulland Andersen har spelt 14 kampar, og skåra fire mål, for fyrstedivisjonsklubben Vard Haugesund i år.
– Ung, spanande spelar
Sportssjef i Hødd, André Nevstad, ser fram til å sjå den unge nysigneringa i aksjon.
– Eirik er ein ung spanande spelar som passar godt inn i vår profil. Han kan spele både på høgre og venstrekant, og har ein veldig presis høgrefot, seier André Nevstad.
Nysigneringa får sjansen til å vise seg fram allereie på ettermiddagens Hødd-trening.
