– Dersom alle gir alt kan Hødd vinne i kveld

Følg kampen her i kveld kl 18

Kveldens returoppgjer i Europaligaen mellom Hødd og Aktobe frå Kasakhstan.
vart utseld på ein augeblink. Folk skal ha overnatta i kø for å få fatt i billettar. Dagleg leiar i Hødd, Andre Nevstad, seier at interessa for kampen er stor.

– Å kome frå Hødd å spele europacup på bortebane er ein milepæl i klubben si historie, seier Nevstad.

LES OGSÅ:

• – Det vi har gjort i dag er svært imponerande
• Sjå sjansar og mål frå den historiske europacupkampen
• Molde truleg til Polen, Hødd til Austerrike eller Island med avansement

Knalltøff kamp

Han veit at kveldens kamp vert knalltøff, men Hødd har eit godt utgangspunkt etter at dei vann 1–0 på heimebane førre kamp. Nevstad har tru på at Hødd kan vinne i kveld dersom alle gir alt.

– Dersom alle presterer opp mot toppnivå, og treff godt med kampstrategien kan det gå vår veg, seier Nevstad.

Scorar Hødd eit mål, må Kasakhstan score tre.

Fekk ikkje visum

At to av spelarane, Sivert Heltne Nilsen og Akeem Latifu ikkje fekk visum inn til landet, kan dei ikkje bruke energien på no. Laget har budd seg til kampen så godt dei kan i sommarvarmen.

– Vi hadde ein god dag i går med trening og godt med mat. Spelarane fekk gjort seg kjent med varmen og stadion, seier Nevstad.

LES OGSÅ:

• Hødd-spelarar får ikkje visum til Kasakhstan
• – Dette er særdeles lite heldig
• – Hødd må vise at det ikke holder å kaste ut kun to sunnmøringer

Måtte kjøpe nye sko

Litt dramatikk har det vore for enkelte. Midtstoppa Steffen Moltu har vore på panisk jakt etter nye fotballsko i Kasakhstan. To av knottane på fotballskoa hans rauk under treninga i går og dermed måtte han ut å gjere hasteinnkjøp. Men fotballsko er det visst ikkje flust av i byen.

– Adidasbutikken hadde berre eitt par sko med knottar. Seljaren ville lure på meg eit par med innesko, men eg let meg ikkje lure, ler Moltu.