Det var handgemeng mellom Molde-keeper Eddie Gustafsson og AaFK-spiss Tor Hogne Aarøy etter ein duell mellom dei to etter ein drøy halvtime. Ingen fekk gult kort, og motvilleg gjekk dei med på å ta kvarandre i handa etter oppmoding frå dommar Kjell Alseth. Christian Steen (AaFK) fekk kampens første gule kort etter ei tøff takling.
Foto:Gunnar Sandvik
Fotballfest
Alt låg til rette for fotballfest i Molde denne ettermiddagen. Ferjene gjekk fullstappa mellom Vestnes og Molde i heile ettermiddag. Folk reiste tidleg frå Ålesund for å posisjonere seg til kamp. Då NRK Møre og Romsdal kom til ferjekaia på Furneset i 13-tida var det allereie "kaos" med parkerte bilar, bilar i ferjekøen og folk i oransje. For det var tango-trøyene som dominerte bildet. Ikkje berre på ferjekaia og om bord i ferjene. Også i Storgata var det lite blått å sjå før kampen.
Foto:Gunnar Sandvik
Historisk kamp
Dette er ein historisk kamp, etter som laga aldri før har spelt mot kvarandre på dette nivået. Molde har vore meir eller mindre fast i toppdivisjonen sidan opprykket i 1973, medan AaFK er førstereisgutar på dette nivået.
Sist laga møtte kvarandre i seriekamp var i gamle 2.divisjon (no 1.div.) i 1983.