– Dette er definitivt spennande!
Det er orda til KBK-trenar Christian Michelsen, som har god grunn til å gle seg over resultata så langt i sesongen.
Med fem sigrar på dei fem siste kampane, ligg KBK oppe på ein solid andreplass på førstedivisjonstabellen før søndagens bortekamp mot Bærum.
– Slår kven som helst
Trenar Christian Michelsen har teke KBK til ein andreplass i førstedivisjon.
Foto: Kari Nygard Tvilde / NRKMed åtte rundar att av sesongen, er trenaren til KBK optimist.
– Berre at vi har posisjonert oss der vi har gjort, fortel at vi er eit godt lag. Vi har bevist før at vi kan slå kven som helst, seier Christian Michelsen.
Michelsen seier også at spelarane godt veit at dei kan rote det til når dei ikkje er på, så det er viktig å halde konsentrasjonen oppe mot Bærum søndag.
– Alt er opp til oss sjølve.
Vil kjempe i toppen
Hødd-trenar Sindre Eid er førnøgd om Hødd klarer å hevde seg blant dei seks beste i førstedivisjon.
Foto: Kari Nygard Tvilde / NRKIkkje langt unna på tabellen ligg Kristiansund sine naboar i sør, Hødd. Før dei møter Follo søndag, ligg laget på ein fjerdeplass i førstedivisjon.
– Vi har sett oss eit mål om å hamne blant topp seks og den målsettinga står ved lag endå, seier Hødd-trenar Sindre Eid.
Hødd-trenaren er fornøgd om laget klarer å forsvare den posisjonen dei har gjennom dei åtte siste rundane i sesongen.
Men det er lite som skil laga som ligg øvst på tabellen.
– Klarer vi målet vårt, har vi hatt ein bra sesong.
