I mai starta det rasfarlege partiet å bevege seg igjen og gjennom juni har bevegelsen blitt større. Fredag bestemte NVE seg for å auke farenivået til gult nivå.
Partiet ved Mannen, som står i fare for å rase ut, er 180 000 kubikkmeter stort og truar både busetting, jernbane og vegen i Romsdalen. Då dette partiet bevegde seg på det raskaste i fjor, hadde det ein kort periode ei maksfart på 16 centimeter i døgnet, før det roa seg igjen.
I år har det vore varmare ver og bevegelsane har starta tidlegare.
No er bevegelsane på rundt 9 mm per døgn for eit mindre område av Mannen Dei øvrige delane har hatt mindre auke i hastigheita.
– At vi hevar farenivået betyr at det er litt større fare for skred, seier geolog Einar Anda.
LES OGSÅ:
Ingen evakuering
Dersom området med forhøga hastigheit utviklar eit skred, kan dette føre til eit større skred i fjellet.
NVE har fire farenivå. Gult nivå betyr at det er auka fare for skred. Ved heving til oransje nivå blir innbyggjarane som bur nærast fjellet evakuert.
– Foreløpig betyr ikkje den auka skredfaren så mykje for dei som bur i området, anna enn at ein på tenkje kva ein skal gjere på lengre sikt, derosm dette utviklar seg til eit høgare farenivå, seier Anda.
Det er meldt litt nedbør i området i helga og NVE fylgjer nøye med utviklinga.
Ventar de at hastigheita skal auke meir?
– Vi gjer ikkje nødvendigvis det. I fjor var det jamn hastigheit utover sommaren og så auka det meir på til hausten. Det kjem an på om det blir store nedbørsmengder, seier geologen.