Med ei inntekt på litt over 2,7 millionar er Goksøyr den ordføraren som tente best i 2015. Det er også ei klar inntektsauke frå 2014 då han tente rundt 750.000 kroner. Han har også fått ei tydeleg auke i formuen i løpet av det siste året.
Goksøyr var ein av dei som starta opp eit asylmottak i fjor haust. Mottaket stod lenge tomt og var berre i drift ei kort periode.
VG har tidlegare meldt at selskapet til Herøy-ordføraren, Christineborg Gjesthus AS, fekk rundt 11 millionar kroner av UDI for å drive asylmottak i tre månader. Prisen for ein plass låg i desember på 700 kroner i døgnet, uavhengig av om den blei brukt eller ikkje.
Christineborg hadde i perioden november 2015 til februar 2016 om lag 25 personar på lønningslista. Selskapet hadde 7 millionar kroner i omsetning i 2015, og eit overskot på 55.000 kroner.
- Les også:
Dette tente ordførarane
Også ordførarane i Giske, Molde, Volda og Eide hadde ei inntekt på over ein million i 2015. Den kvinnelege ordføraren som tente best var Ålesund-ordførar Eva Vinje Aurdal (Ap). Ho hadde ei inntekt på nesten 900.000 kroner.
Størst formue er det Molde-ordførar Torgeir Dahl (H) med 6,9 millionar og Eide-ordførar Egil Strand (H) med 6,75 millionar som har.
Dei andre ordførarane i Møre og Romsdal fordelte seg slik på lista over kven som hadde størst inntekt i fjor.
NB: Vi gjer merksam på at det kan vere feil i listene. Tala er baserte på førebelse skattetal frå Skattedirektoratet for året 2015. Tala kan innehalde feil som vil bli retta når klagehandsaminga er ferdig. Listene og utrekningane tar utgangspunkt i skattebetalarar med norsk postadresse.
