Arkeologar har funne fleire viktige kulturminne, og fullstendig utgraving av området kjem til å koste 20 millionar kroner. Reguleringsarbeidet på den nye innfartsvegen til Fosnavåg kjem ikkje vidare utan.
I sjokk
– Eg trudde ikkje mine eigne auger då brevet kom. No klør vi oss i hovudet for å finne ut kva vi gjer vidare, seier Høgre-ordførar Arnulf Goksøyr.
Området det er snakk om, er strekninga frå Myklebust til Fosnavåg sentrum. Altså ei strekning på knapt ein og ein halv kilometer.
Stor vitenskapleg verdi
Arkeologane har funne busetnader frå yngre steinalder eller bronsealder og særleg eitt av funna har svært stor vitskapleg verdi. Desse må sikrast, meiner Riksantikvaren. Det er fylkeskommunen og Herøy kommune, som må betale.
Fengsel
– Det er freistande å bryte kulturminnelova. Av og til kan ein vurdere om ein heller skal ta tre veker i fengsel i staden for å bruke så mykje pengar på utgravingar, seier Goksøyr.
