Ein gjeng som har padla i mange år ønskjer å leire meir.
På Blimsanden på Vigra får dei verkeleg prøve seg.
- Til meir du padla til meir forstår du kor viktig det er med teknikk og det å kunne redde seg sjølv og andre. Og så får du baske litt i større sjø, fortel Jill Remme.
- Det er veldig mange som padlar rundt i mange år og ikkje er vande med å velte, og då er du ikkje trygg i kajakken, seier rettleiar Torbjørn Nordeide.
Og teknikk gjer deltakarane i stand til å padle i heilt nye farvatn, men dei er sugne på å lære meir.
- Og så er det kjekt, veldig kjekt og veldig vått, seier Arne Fagerhaug.
Ute på havet er naturen meir lunefull og krev meir av ein kajakkpadlar enn inne i fjorden. Men å beherske det, kan gi nye og store opplevingar.