I mars rykte Helsetilsynet igjen ut til ei nedkjølingsulykka i Møre og Romsdal, denne gongen i Molde, der ein mann blei funnen sterkt nedkjølt i Molde sentrum, og sendt til sjukehus.
No vil Helsetilsynet sjå om helseføretaket har lært noko av dødsulykka den gongen. Difor granskar dei saka med den nedkjølte 50-åringen.
Avdelingsdirektør Brynhild Braut i Statens helsetilsyn seier dei raskt bestemte seg for å reise til Molde sjukehus for å granske saka der.
Foto: Statens helsetilsyn– Då den aktuelle hendinga blei varsla, fann Statens helsetilsyn det nødvendig å undersøkje korleis føretaket faktisk har brukt erfaringane frå "Karihola-ulykka" til læring, skriv avdelingsdirektør Brynhild Braut i ein e-post til NRK Møre og Romsdal.
Ifølgje Tidens Krav blei mannen funnen medvitslaus i ei snøfonn to dagar før Statens helsetilsyn blei varsla.
Fekk kritikk
I etterkant av ulykka der dei to jentene omkom, fekk helseføretaket kritikk for å ikkje ha gode nok rutinar for oppvarming av alvorleg nedkjølte pasientar. Rapporten frå helsetilsynet året etter ulykka viste at det var fleire alvorlege manglar ved behandlinga av nedkjølte barn i heile Noreg. Helseføretaket lovde å setje inn fleire tiltak for å bli betre, og no vil helsetilsynet sjå til at det faktisk har blitt betre.
På skulen der jentene gjekk blei det tent lys for dei, då det blei klart at begge to omkom.
Foto: Anne-Mari FlatsetNRK Møre og Romsdal har tidlegare laga dokumentar om ulykka i Kristiansund, der to jenter omkom. Sjå heile dokumentaren her.
Ventar på rapport
Norske legar og helsepersonell er pålagt å varsle Statens helsetilsyn omgåande dersom det skjer uventa dødsfall eller store skadar under behandling. Då helsetilsynet fekk beskjed om den nedkjølte moldemannen bestemte dei seg raskt for å reise til sjukehuset i Molde på tilsyn. Rapporten etter tilsynet er venta i løpet av våren.
– Vi arbeider no med å samanfatte dei opplysningane vi har fått, og vurderer om verksemda har sikra forsvarleg behandling av sterkt nedkjølte pasientar. Vi reknar med at den førebels rapporten er klar før sommaren, skriv Braut i e-posten til NRK Møre og Romsdal.
Store styrkar leitte etter jentene som seinare blei funne omkomne. Dei hadde truleg leika på berga, og blitt tatt av bølgene.
Foto: Eirik Haukenes / NRKKommunikasjonsdirektør Trine Kvalheim i Helse Møre og Romsdal seier dei sjølve varsla om hendinga og samarbeider med helsetilsynet, men at dei førebels ikkje kan kommentere saka nærare.
Les også:
