– Eg syns det var eit kult instrument, seier Fauske.
Berre fire år gamal var sykkylvingen i gang med å mase på foreldra om å få ei fele. Dei meinte han var for ung.
– Eg var inspirert av Alexander Rybakk og andre felespelarar, det syns eg var veldig kult.
Kvifor det?
– Eg syns det såg kjempestilig ut, mykje kulare enn rockemusikk.
Måtte vente
Etter to år gav foreldra etter, og denne helga har den unge musikaren vore saman med mange andre med same interesse.
Den årlege fylkeskappleiken har denne gongen halde til i Tresfjorden, der unge og gamle er samla for å spele og danse seg gjennom helga.
– Det er kjekt, for det er ikkje så veldig mange av kameratane mine som driv med dette, seier han.
– Kva trur du er grunnen til det?
– Dei vil kanskje heller spele fotball, men det vil ikkje eg.
Mor Susanne Fauske, seier det var han sjølv som fann på at det var nettopp fele han ville spele.
Vi kjenner ingen som speler fele, men han var heilt bestemt, og vi ser jo at han kosar seg med det, så det er berre kjekt.
Vil lære om gamle dagar
Også Synnøve Lange frå Molde er 10 år. For henne er det dansen som er det kjekkaste med kappleiken.
– Det er likar aller best er å synge og danse, og det får eg gjere i leikarringen, seier ho.
Lange er glad i gamle ting og skikkar, og trur det var grunnen til at ho starta med folkedans.
– Eg syns det er spennande å vite korleis dei levde i gamle dagar, og vi dansar jo på museet og opptrer der, så då lærer vi jo mykje.
Ho har vore med på kappleiken før, og syns det er kjempegøy.
– Det er ingen i klassen som held på med det, men eg veit ikkje kvifor. Dei har kanskje ikkje tid. Men eg trivst veldig godt.
Det same gjer tiåringen frå Sykkylven. På spørsmål om kor lenge han skal spele fele, er han heilt klar:
– Heile mitt liv!
Håper fleire blir med
Styreleiar i Spelemannslaget Dåm og Drag, Hanne Salthammer, håper fylkeskappleiken i Tresfjord denne helga kan være med på å gjøre folkemusikken kjent for flere.