Representantar for kommisjonen har hatt samtalar med besetninga om bord i lasteskipet Federal Kivalina. Skipsloggen og elektronisk informasjon om ferda er også henta inn, og skal gjennomgåast i dagane som kjem.
Framleis manglar kommisjonen ein del informasjon. Blant anna har dei enno ikkje avhøyrt losen som stod på brua då skipet gjekk på grunn.
- Vi har valt å gje han litt meir tid etter at han sjølv bad om det. Vi skal tidlegast møte han om ei veke. Før den tid ønskjer vi ikkje å seie noko om kva årsaka til grunnstøytinga kan vere, seier leiar for undersøkingane, Pål Brennhovd, til NRK Møre og Romsdal.