Senterleiar på Futura, Svein Haga, seier at dei har merka konkurransen godt, men at nedgangen likevel er mindre enn frykta. Ein nedgang på knapt 15 prosent i julehandelen er vi godt fornøgde med, seier han.
Kampen hardnar
Futurasenteret utanfor Kristiansund har fått merke at dei ikkje lenger er åleine om kundane. Nykomlingen Amfi Storkaia midt i sentrum har tatt ein kraftig bit av julehandelen i Kristiansund.
Storkaia opna i november og senterleiar Nina Korsfur meiner julehandelen har vore over all forventning.
Storkaia, med sine 49 butikkar, håper på ei omsetning på 350 millionar kroner i løpet av det første driftsåret. Til samanlikning omsette Futurasenteret for 311 millionar i 2004.
Neste år skal Futurasenteret bygge ut for å prøve å møte konkurransen frå Storkaia.