I går avanserte alle dei tre laga frå Møre og Romsdal til 4. runde i NM.
Molde slo HamKam 3–2 i Molde, Aalesund vann 4–0 over Byåsen på Color Line Stadion, medan Hødd vann 2–1 over Sarpsborg 08 på Høddvoll.
- LES OGSÅ:
- LES OGSÅ:
- LES OGSÅ:
Hødd vann etter ekstraomgangar, då den tidlegare Rosenborg-spelaren Pål André Helland scora etter 118 minutt. Etter kampen håpte han på Rosenborg eller Asker i 4. runde.
– Fotballhjertet seier Rosenborg på Høddvoll. Det hadde vore artig. Fotballhjernen seier derimot Asker på Høddvoll. Dei er på papiret enklast, sa Helland etter 2–1 mot Sarpsborg 08 i går onsdag.
– Det beste vi kunne fått
Og Helland fekk det som han ville. No ventar Asker i 4. runde, på Høddvoll.
– Jubelen stod i taket her på Høddvoll, fortel 22-åringen frå Trondheim.
– Moglegheitene for avansement er gode, for Asker er eit lag vi bør slå på heimebane. Denne trekninga kunne ikkje blitt betre for oss.
– For din eigen del då. Du er jo tidlegare Rosenborg-spelar?
– Ja, det hadde vore moro. Men no håper eg Rosenborg avanserer mot Molde i Molde, slik at vi kan møte dei i ein eventuell kvartfinale.
- LES OGSÅ:
For Aalesund sin del trur Helland det kan bli tøft.
– Det blir ein open kamp, men eg trur AaFK kan få det tøft borte mot Sandefjord. Dei viste mot Vålerenga at dei kan spele ut kven som helst, spesielt på heimebane, avslutta Helland.
- LES OGSÅ:
- LES OGSÅ:
- LES OGSÅ:
Molde mot Rosenborg blir spelt i Molde 27. juni, medan Sandefjord mot Aalesund i Sandefjord blir spelt 5. juli. Hødd møter Asker 4. juli.