Styreformann Sverre Andreas Farstad er største aksjonær i Farstad Shipping, og kan no skilte med heile 976.957.044 kroner i formue. Det viser Skattelikninga for 2013 som blei offentleggjort natt til fredag.
Det betyr at Farstad igjen troner høgst på formueslistene i Møre og Romsdal. Også i 2012 låg han øvst på listene.
- Les også:
Tala er basert på førebels skattetal frå Skattedirektoratet. Tala kan innehalde feil som vil bli retta når klagebehandlinga er ferdig. Vi gjer difor merksam på at det kan vere feil i listene.
Flest menn i toppen
På toppen får Farstad selskap av Aage Remøy i Rem Offshore som tek andreplassen i fylket med sine 611 millionar kroner i formue.
På tredjeplass finn vi broren til Sverre Andreas Farstad, nemleg Jan Henry Farstad, også i Farstad-konsernet. Han står oppført med 568 millionar kroner i formue for inntektsåret 2013.
- Les også:
Blant dei ti rikaste i Møre og Romsdal er det klart flest menn. Berre to av dei ti er personane på lista er kvinner.
Men Farstad brørne er ikkje det einaste syskenparet på lista. Som dei einaste kvinnene på lista finn vi søstrene Ingerid og Gunvor Ulstein.
Høgst på lista finn vi Ingerid Ulstein på sjuande plass med ei formue på 275.482.709 kroner, etterfølgt av Gunvor Ulstein på åttande plass med ei formue på 255.979.598 kroner.
Ingerid Ulstein er administrerande direktør i investeringsselskapet Ulsmo AS og dotterselskapet Ulsmo Eiendom AS, medan Gunvor Ulstein er konsernsjef i Ulstein Group og administrerande direktør i Ulstein Shipping.