Hald på hatten, no blir det vindfullt

Onsdag er det venta storm og kraftige vindkast utsette stadar i Møre og Romsdal.

Storm

Onsdag kan det bli storm fleire stadar i Møre og Romsdal. – Sikr lause gjenstandar, oppmodar statsmeteorolog.

Foto: Malin Kjellstadli Korsnes / NRK

Meteorologisk institutt har sendt ut OBS-varsel for Møre og Romsdal og Trøndelag. Onsdag er det venta storm og kraftige vindkast utsette stadar i Trøndelag og Møre og Romsdal. Det er også venta vanskelege køyreforhold i fjellet.

– Frå og med onsdag ettermiddag vil vinden auke til sørvest liten storm utsette stadar. Utover kvelden kan det auke til kortvarig full storm, seier Martin Granerød, ved Vêrvarslinga for Vestlandet.

Det er også venta vanskelege køyreforhold i fjellet på grunn av kraftig vind og nedbør.

Farlege vindkast

Statsmeteorologen åtvarar mot farlege vindkast.

– Det er venta vindkast på mellom 25 m/s-30 m/s, og det er ofte det som gjer størst skade, seier Granerød.

Så om du har planar om å sette ut hagemøblane med det første, bør det nok vente.

– Med tanke på dei vindkasta som er meldt er det viktig å sette inn og sikre lause gjenstandar, seier meteorologen.

Torsdag er det venta liten kuling om formiddagen, så roar vinden seg. Nedbøren ser derimot ut til å vere svært til stades i nordvest gjennom hele komande helg.

Obs-varsel Møre og Romsdal
Foto: YR.NO

Siste video/lyd

Dei tre siste åra har meir enn 450 alvorleg psykisk sjuke kome seg inn i arbeidslivet.
Dette skjer etter eit aktivt samarbeid mellom NAV og helsevesenet.
Ein ny forskingsrapport viser at pasientane blir friskare av å jobbe.
Ein rakett er kanskje det som skal til for å gjere skuleelevar interesserte i naturfag. 
Elevar på Gjermundnes i Vestnes har utvikla ein rakett som skal få barn og unge til å bli i fyr og flamme.
Nokre som er glade i å boltre seg på kjøkenet er elevane ved Borgund vidaregåande i Ålesund. Dei elskar å bake - og å smake.