Gratis appar kan vere svindyre

På iPad og iPhone er det mange kule og gratis spel. No åtvarar Forbrukerombodet om at det ikkje er så sikkert at dei faktisk er gratis.

– Mamma sa det var greitt at eg lasta ned gratis spel. Men eg måtte spørje først. Då lasta eg ned eit spel. Og så viste det seg at det kosta pengar å bruke det, utan at eg visste om det, seier Susanne Pilskog Brennholm(10).

• – PC er ikke brukervennlig nok for skolen

– Må opplyse om kostnadene

Forbrukerombodet meiner det ikkje kan vere slik at det følgjer med kostnader som brukarane ikkje veit om. Gry Nergård er forbrukarombod, og ho seier ombodet no vil passe på slik at vi ikkje blir lurt for pengar når vi lastar ned «gratis» spel.

– På nokre «gratis» spel får du også høve til å kjøpe ekstra ting når du er inne i spelet. Dei ekstra tinga kostar faktisk orntlige pengar, seier Gry Nergård.

• Laget verdens første musikk-app for over 50 år siden
• Trodde Apple-gevinst var tulletelefon

Smurfar med smurfepengar

The Smurfs village er eit av mange eksempel på slike spel. Spelet er gratis å laste ned, men det kan fort koste pengar å bruke det.

– I Smurfespelet heiter det smurfebær. Det høyres ut som om det ikkje kostar pengar. Men det kan koste pengar. Du kan kjøpe ei vogn full av smurfebær. Men det kostar nesten 550,- kroner, fortel Nergård.

• Er du klar for appbøker?
• Her er de nye tekno-trendene

Ikkje heilt sant at det er gratis

Sjølv om det står at det er gratis, er det altså ikkje alltid heilt sant. Louise Rabben Sperre (10) viser oss korleis dette fungerer.

– Sjå her står det at det er gratis. Men det er det ikkje. Det er dårleg gjort. Det bør stå at det kostar pengar, seier Louise Rabben Sperre.

– Les brukaravtalen

Det står ofte mykje tekst på engelsk før spelet skal lastast ned. Det kan vere lurt å lese dette grundig først, seier Gry Nergård.

– Sjølv om du kan litt engelsk, og veit at «free» betyr gratis, så står det mykje i teksten som ofte er vanskeleg å forstå. Barn bør vise dette til mor og far, og snakke om det som står der, seier Nergård.

Telenor meiner at folk flest må bruke meir tid på å lese rettleiinga når ein kjøper til dømes iphone eller ipad....

(sjå kommentarar under videoen)