Det er kraftig vind i området i dag, og grasbrannen i Midsund i Romsdal stod i fare for å spreie seg. Naudetatane fekk melding om brannen frå ein turgåar klokka 12.15. Først var brannen på storleik med ei fotballbane, seinere sa 110-sentralen at området det brenn i var like stort som to fotballbaner.
Lokalt mannskap vart sendt ut for å vurdere situasjonen.
110-sentralen har bedt om assistanse for å sløkke brannen.
Foto: Anne Gautvik– Terrenget er svært ulendt, seier Nils Bjerknes, operatør ved 110-sentralen. Dei ba om assistanse frå skogbrannhelikopter, Sivilforsvaret og Molde brannvesen. Mange frivillege hjalp også til.
I 17-tida opplyste 110-sentralen at skogrbrannhelikopteret frå Sauda var på plass. Då hadde ikkje brannen spreidd seg yttarlegare, men flytta på seg. Helikopteret frakta med seg mannskap og sløkkeutstyr opp i fjellet. Dei var også i gang med dynke fjellsida med vatn, der mannskapet ikkje kjem til.
– Brannen kan spre seg til hus i nærleiken, men vi jobbar for at det ikkje skal skje, sa Rian Morrison ved 110-sentralen før ekstramannskapet var på plass.
Laurdag kveld var brannen sløkt. Sivilforsvaret vart att på staden for å passe på at brannen ikkje blussar opp att. 10-sentralen har ikkje oversikt over kor mange mål som vart svidd av under brannen.
Røyken frå fjellet er synleg i bygda.
Foto: Joachim Orvik
