Det var i oktober 2007 Ole Henry Gjærset frå Volda såg denne skapningen i Vartdalsfjorden. Han tok den opp på padleåra slik at han fekk tatt bilete, og så sleppte han den ut igjen, utan å ta på den.
Og det var bra, for ifølgje akvarist Jan Einarsen er dette ein Perifylla, ein manet som til vanleg lever på djupt vatn i fjordane våre, som er giftig. Seinhaustes kan ein oppleve å sjå slike i store mengder i ein kort periode, når dei samlar seg for å gyte. Dei inneheld neslegift og brenner omlag som den vanlege brennmaneten.