Det er ikkje lenge sidan Kristiansund Ballklubb blei klare for 1. divisjon, etter 3-0-siger over Skeid på heimebana «Idrett».
Ein stor del av grunnen til opprykket er trenar Geir Bakke.
Han kom frå jobben som hjelpetrenar i Stabæk til Kristiansund før årets sesong. Heile fem serierunder før slutt sikra Bakke det etterlengta opprykket til 1. divisjon.
– Ja, vi er einige
Opprinnleg hadde Bakke kontrakt ut 2013. Suksesstrenaren har derimot vore ønskja av Brann, som i går tapte 3-1 på Høddvoll mot Hødd i NM-semifinalen.
Tippeliga-klubben ville ha Bakke som assistenttrenar under trenar Rune Skarsfjord. Bakke skal ha fått tilbod frå Bergens-klubben.
– Eg har meddelt Brann at eg blir verande her i Kristiansund, seier Kristiansund-trenaren til Tidens Krav.
For Bakke er lysten på meir suksess med Kristiansund.
– Ja, vi er eininge om ei kontrakt som går ut sesongen 2016, seier 43-åringen.
Neste år coachar han altså Kristiansund i Adeccoligaen. I haust skal han avslutte i 2. divisjon med stil.