I dag skal fylkesrådmann Ottar Brage Guttelvik orientere fylkesutvalet om den alvorlege situasjonen. Fylkeskommunen kan hamne på den såkalla Robek-lista, som mellom anna inneber at dei må ha godkjenning for låneopptak.
Han seier fylkeskommunen no må finne måtar å spare pengar.
– Vi skal gå igjennom dette, og innarbeide den skattesvikten som vi sannsynlegvis vil får. Og vi må også sjå på dei vedtaka som er gjort, men som ikkje er sett ut i livet. Så det er litt tidleg å seie kor alvorleg det er, men at det er krevjande, det er det, seier Guttelvik.
–Men kan de hamne på Robek-lista?
– Det er som sagt litt tidleg å seie, men vi er i alle fall i nærleiken.
– Har brukt pengar vi ikkje har
Frank Sve representerer Framstegspartiet i fylkestinget.
Foto: Olaug Bjørneset / NRKFrank Sve seier Framstegspartiet fleire gonger har åtvara om at fylkeskommunen bruker for mykje pengar.
– Vi meiner fleirtalet har brukt mykje meir pengar enn det vi har. Slik det ser ut no, er fonda brukte opp etter at denne økonomiplanen er over. Og med dei utfordringane vi har, mellom anna innan samferdsel, er det svært alvorleg, seier Sve.
