Fryktar Tor etter å ha mist huset i orkanen i 2011

Det er mange vestlendingar som fredag ventar i spenning og frykt på kva som skjer i møtet med orkanen Tor.

For Ann Elin Nygård Myhre (38) og familien i romsdalskommunen Midsund er det ekstra spesielt. Dei miste huset då orkanen Dagmar herja i jula 2011.

– Eg likar det ikkje, det er vel fordi vi opplevde det vi opplevde, det er jo litt ekkelt, seier Myhre.

• Les også: Slik blir ekstremværet Tor utover kvelden

Fryktar orkanen skal ta tak på nytt

Saman med ektemannen og fire barn opplevde eit mareritt då dei 1. juledag 2011 opplevde at orkanen Dagmar smadra huset deira, som var under oppføring. Då mannen kom til staden, blei bilen hans nesten tatt av ei vindkule.

Først eitt år etter fekk dei endeleg flytte inn i huset. Og no vil dei gjerne behalde det uskadd.

– Det er jo vanskeleg å seie kor hardt det blir denne gongen, det spørst på retninga, men det er uansett ikkje noko hyggeleg, seier Myhre.

Les også:

• – Her skal vi flytte inn til sommaren
• Mistet huset i Dagmar - fikk flytte inn i nytt hus rett før jul

Har avlyst alle planar i ettermiddag

Firebarnsfamilien hadde ein aktiv ettermiddag framfor seg. No har dei endra planane, etter at varselet om Tor kom. I tillegg til å sikre trampolinen, har dei tatt inn hagemøblar og anna utstyr, og har tenkt å vere heime.

– Ungane skulle jo på ulike ting, men vi lurer på om vi berre blir heime, låser oss inne og satsar på det beste, seier ho.