NRK Meny
Normal

Fryktar veljarane vil straffe partiet

Ordføraren i Frp-kommunen Sula på Sunnmøre, Ronny Blomvik, er redd veljarane vil straffe partiet ved haustens val. Han seier dei no må arbeide hardt for å få veljarane til å skilje mellom sak og politikk.

Ronny Blomvik

Ronny Blomvik er ordførar i ei av kommunane i landet der Frp har hatt størst suksess. Han fryktar bråket rundt Frp kan gi konsekvensar ved kommunevalet.

Foto: Remi Sagen / NRK

Blomvik er ordførar i ei av dei kommunane i landet der Frp har gjort det absolutt best både ved kommune og stortingsval.

Frp-kommunen Sula

Alt ved Stortingsvalet i 1989 stemte 17 prosent av innbyggjarane i Sula på Frp .

Ved dei fire vala etter 2003 har Frp hatt høgare enn 34 prosent i kommunen.

Ronny Blomvik har vore ordførar sidan 2003. No fryktar han at all den negative merksemda siste tida vil gi negative konsekvensar ved kommune og fylkestingsvalet i haust.

– Det er uheldig. Vi må ta det på alvor, rydde opp og legge dette bak oss.

Fleire saker

Siste tida har fleire saker om sex–trakassering og overgrep rysta partiet.

Jensen og Mo

Sula-ordføraren har tillit til Geir Mo og Siv Jensen, men meiner partiet må endre regelverket om det viser seg å ikkje halde mål.

Foto: Holm, Morten / Scanpix
  • Det starta med Birkedal-saka. Ordførarkandidaten til Frp i Stavanger, Trond Birkedal, blir pågripen av politiet, sikta for overgrep. Politiet varslar at saka kan vekse: Birkedal-saken
  • I går vart det kjent at ein Frp-politikar i Møre og Romsdal trekker seg frå lista til kommunevalet. To kvinner som tidlegare var medlemmer i FrpU skuldar han for sex-trakassering: Ny Frp-politiker trekker seg etter påstander om sexsjikane
  • I dag stadfestar Frp i Sogn og Fjordane at ei kvinne som tidlegare hadde verv i partiet melder at ho vart sex-trakassert av eit partimedlem: Nye sex-skuldingar i Frp

Tillit til leiinga

Ordførar Ronny Blomvik i Sula legg ikkje skjul på at desse sakene dukkar opp på eit svært dårleg tidspunkt. Men han håper vejlarane klarer å skilje mellom desse sakene, og Frp sin politikk.

Han har likevel tillit til leiinga, og meiner dei har gjort det dei skulle i sakene.

– Eg har full tillit til Geir Mo og Siv Jensen. Dei har fulgt vårt reglement. Men dersom dette likevel ikkje skulle vise seg å vere godt nok, så må vi endre reglementet, seier Blomvik til NRK.

– Kan få følgjer

Kyrre Nakkim

Kyrre Nakkim meiner sakene i Frp siste tida viser ein organisasjon som ikkje held mål.

Foto: Nyhetsspiller / NRK

Også samfunnsredaktør Kyrre Nakkim i NRK trur at uroa rundt Frp-politikarar kan få følgjer for partiet.

– Det er skadeleg fordi det viser ein organisasjon som ikkje klarer å behandle desse sakene skikkeleg. Her er det kvinner som har meldt frå, men som ikkje føler at dei er blitt høyrt, seier Nakkim.

Les også: