Mange gjekk tur under Stikk UT!-festival
12.000 turgåarar blei med på feiringa av Stikk UT! i friluftslivets veke. Til saman 43.000 turar vart registrert under den ti dagar lange festivalen. Årets sesong er no oppe i 800.000 registreringar. Det skriv Sunnmøre friluftsråd i ei pressemelding.
– Med vêrgudane stort sett på vår side, var det også i år ei fantastisk feiring av turgleda i fylket vårt, seier Hilde Ellingsæter som er Stikk UT!-ansvarleg hos Sunnmøre friluftsråd.