Energirådgivar Tore Brænd meiner byggekostnadene blir langt meir enn 55 milliardar kroner, mellom anna fordi eit fastlandssamband vil tvinge seg fram.
Avgjerd i 2004
Stortinget tar den endelege avgjerda om ilandføring i 2004, og Brænd meiner det er grunnlag for å stoppe planane.
Naturvernforbundet i lag med Gassinformasjonsgruppa i Aukra meiner byggekostnadene ved ilandføring blir høgare enn det utbyggarane legg til grunn.
Det vil seie: meir enn 55 milliardar kroner.
Naturvernforbundet meiner prisen blir høgare, mellom anna fordi anlegget vil framtvinge fastlandssamband til 1,5 milliardar kroner, ei rekning staten må ta.
Ekstra utgifter
I tillegg hevdar Naturvernforbundet at olje -og gassutbyggingar har vist ein tendens til å bli dyrare enn først rekna med. Det siste dømet er Snøhvit-prosjektet til Statoil, med store kostnadssprekkar.
Så kjem også naturinngrepa som ingen kan prisfastsetje, meiner Naturvernforbundet.