NRK Meny
Normal

Første trening i Ulsteinhallen

Handballdamene hadde knapt installert seg på hotellet i Ulsteinvik før dei var klare for den aller første av mange treningsøkter i Ulsteinhallen dei neste ti dagane. Oppkøyringa til OL i Rio er i gang, og det skjer på Sunnmøre.

Første trening for handballdamene

Første treninga for handballdamene i Ulsteinhallen. Foto/redigering: ARNE FLATIN

Thorir Hergeirsson er fornøgd med den første treninga i Ulsteinhallen. På tribunen var det samla fleire nyfikne frå handballgruppa i Hødd som saman med handballforbundet har ansvaret for arrangementet.

Alle dei store norske stjernene var på plass, og det var høgt tempo og intensitet på treninga som vart leia for det meste av Mia Hermansson Högdahl i tospann med Hergeirsson.

I halvannan time heldt dei det gåande før det var nedjogging og sykling. Den første kampen vert ikkje spelt før om ei veke, så her vert det fokus på treningsøktene dei neste dagane.

Stor innsats på handballtreninga

Høgt tempo på treninga i Ulsteinhallen torsdag kveld

Foto: Arne Flatin / NRK

Kampprogrammet ser slik ut:

Torsdag 21. juli:
Klokka 1715 Frankrike-Spania
Klokka 1930 Norge-Romania

Laurdag 23. juli:
Klokka 1715 Romania-Frankrike
Klokka 1930 Norge-Spania

Søndag 24. juli:
Klokka 1545 Spania-Romania
Klokka 1800 Norge-Frankrike

Tøffe tak på treninga

Tøffe tak på treninga i Ulsteinhallen i kveld.

Foto: Arne Flatin / NRK
Thorir Hergeirsson

Thorir Hergeirsson dirigerer troppane på treninga torsdag kveld.

Foto: Arne Flatin / NRK

Leiaren for Hødd handball, Jarl Martin Møller, seier det er godt å vere i gang etter så lang tid med planlegging. Han ser fram till innhaldsrike dagar.