Den tidlegare styreleiaren i Rem står også registrert med ei formue på 64,6 millionar. Men det er lite samanlikna med 2014, då han hadde ei formue på 622 millionar kroner. Inntekta hans har derimot auka frå 2, 4 millionar i 2014 til 29 millionar i 2015.
Måndag blei det Herøy-baserte reiarlaget Rem Offshore offisielt historie då dei i dag fusjonerte med Solstad Offshore. Det skjedde etter at Rem ikkje fekk refinansiering av obligasjonslåna sine i juli i år.
Samtidig offentleggjorde Åge Remøy at han og to andre investorar har oppretta eit nytt investeringsselskap i Fosnavåg.
Kraftig reduksjon for Farstad
I 2014 hadde Sverre Andreas Farstad litt under ein milliard kroner i formue, og var på det tidspunktet den rikaste personen i Møre og Romsdal. Også i 2012 låg han øvst på listene.
I 2015 hadde han ei formue på 213 millionar, nesten ein femtedel av formuen på 976 millionar i 2013.
Farstad Shipping i Ålesund har hatt store utfordringar det siste året. I august leverte dei eit resultat etter skatt på minus 867,5 millionar for andre halvår. Då fekk den krevjande marknadssituasjonen skulda.
- Les også:
NB: Vi gjer merksam på at det kan vere feil i listene. Tala er baserte på førebelse skattetal frå Skattedirektoratet for året 2015. Tala kan innehalde feil som vil bli retta når klagehandsaminga er ferdig. Listene og utrekningane tar utgangspunkt i skattebetalarar med norsk postadresse.