Nordmøre nordover
Professor Tor Selstad
Selstad foreslår sju store regionar der Møre og Romsdal blir delt.
I forslaget blir Nordmøre ein del av Midt-Noreg saman med Nord- og Sør- Trøndelag, medan Romsdal og Sunnmøre blir ein del av region Vestlandet, der også fylka Sogn og Fjordane, Hordaland og Rogaland er med.
Vil skape debatt
Fylket kan bli delt på to store regionar.
Regjeringa skal i 2007 gå gjennom fylkesinndelinga og ta stilling til om kartet skal teiknast på nytt.
I oktober kjem Distriktskommisjonen si innstilling. Her har leiaren, Johan Petter Barlindhaug, alt sagt at Noreg bør bestå av mellom fem og ti regionar.
Forslaget til professor Tor Selstad kjem til å skape debatt over heile landet.
Forslaget grip også rett inn i den aktuelle politiske debatten vi har her i fylket no. Det gjeld både plassering av offentlege kontor og nærare tilknyting til dei store byane sør og nord for oss.