No gjeld det altså å kutte der ein kan.
- LES OGSÅ:
I går onsdag vedtok kommunen å gå inn for eigedomsskatt, å selje rådhus, selje gater, tomter og areal. I tillegg opna Stranda kommune for sal av «arvesølvet» Stranda Energi.
Kristi Helen Furset forstår at kommunen no må kutte.
Foto: Brede Røsjø / NRK– Eg trur vi taklar det veldig bra
Dagen etter maraton-kommunestyremøtet på Stranda rådhus er det derimot ikkje krisestemning blant innbyggjarane.
– Eg trur vi taklar det veldig bra som sunnmøringar. Eg trur at vi trålar oss framover og overvinn det meste, smilte frisør Kristi Helen Furset då NRK kom på besøk.
– Så du blir ikkje sur for ei tilleggsrekning etter festen de var med på?
– Neida, vi må ha litt å betale på.
Stranda kommunestyre vedtok onsdag kveld å både selje rådhus, gater, areal og anna. I vil politikarane innføre eigedomsskatt, samt opne for sal av Stranda Energi.
Foto: Trond Vestre / NRKTrur ikkje folk tek ting så tungt
Kjøpefesten frå 2008 og til 2011 har altså fått konsekvensar for Stranda kommune. 890 millionar i gjeld, og eit svært stort underskot.
Monica Aambakk Engeset trur ikkje folk er så indignerte over ekstra skatt og andre kutt.
Foto: Brede Røsjø / NRK– Men vi har fått eit fantastisk Strandafjell, sentrum er flott og vi har fått ny ungdomsskule. Så det har kome mykje godt, meiner Monica Aambakk Engeset.
Alle i Stranda må bli med og betale gjelda, noko innbyggjarane er budde på.
– No kjem rekninga, og den må vi betale heile gjengen.
– Alt som har kome til Stranda, alt vi har fått. Det er så positivt at rekninga ikkje ergrar folk så mykje. I alle fall ikkje så mykje som andre utanfor kommunen trur, smiler Aambakk Engeset i frisørsalongen.
Eigedomsskatten er eit tidlegare svært omdiskutert tiltak, men folk mistar ikkje nattsøvnen.
– Galgenhumoren er sterk
– Eg trur galgenhumoren er ganske sterk på Stranda.
– Det er klart vi ser alvoret i situasjonen, men folk er av den oppfatning av at vi skal stå på og få til dette, seier John Petter Aambakk.
Aambakk ser derimot ikkje lyst på at Strandafjellet kan ende i minus.
– Det er ein forhandlingssituasjon i kommunen. Kva får dei får Strandafjellet?
– Og det er ikkje kjekt å vite at det kanskje går 100 millionar i vasken, nikkar Aambakk.
– Å selje E-verket blir som å pisse i buksa
Salet av skianlegget er i gang. Stranda kommune melder om ein seriøs og konkret kjøpar, og håper anlegget blir selt snarast råd.
Johan Steffen Fivelstad meiner Stranda Energi ikkje kan seljast.
Foto: Brede Røsjø / NRKMen skianlegget dekkjer berre delar. Rådhus, sentrumsgater og diverse areal ser no ut til å bli selt.
Stranda Energi, «arvesølvet», blir det derimot kamp om.
– Dersom Stranda kommune sel E-verket, så blir det som å pisse i buksa.
– Det blir varmt i ein augneblink, og så er det gjort. Det må ikkje skje!, avsluttar Johan Steffen Fivelstad i Stranda sentrum.
