NRK Meny

Kristiansund tapte heime mot Kongsvinger

Kristiansund tronar på toppen av førstedivisjonstabellen og siktar mot opprykk. I dag får dei besøk av Kongsvinger.

KBK - Kongsvinger

Kristiansund satsar på siger over Kongsvinger i kveld. Her er Daouda Karamoko Bamba farleg frampå.

Foto: Roar Halten / NRK
Laster innhold, vennligst vent..

– Stemninga i laget og byen er bra akkurat no. Vi har flyt om dagen, og det blir gjenspegla i humøre og gløden, seier dagleg leiar i KBK, Kjell Thorsen til NRK.

I toppkampen mot Sandnes Ulf fekk Kristiansund ein spelar feilaktig utvist. Sandnes Ulf snudde kampen og gjekk sigrande ut av oppgjeret. Kristiansund har levert inn protest og krev omkamp. Denne situasjonen har ikkje sett noko negativt preg på oppladinga før kampen mot Kongsvinger, seier Thorsen.

– Nei. Dette har vi lagt på vent. Vi fokuserer berre på neste kamp. Vi kan ikkje gjere meir med dette. No får fotballforbundet avgjere dette.

Kristiansund har hatt topplassen på tabellen i lang tid. Men først no byrjar klubbleiinga å snakke om opprykk.

– Trykket på oss blir større for kvar kamp. Og vi ser at det blinkar noko i det fjerne, noko som berre er heilt fantastisk. No skal vi halde fokus på ein kamp om gangen.

De snakkar heile tida om ein kamp om gangen. Men no tør de å tenkje på opprykk?

– Med den posisjonen vi har no blir det feil å sjå nedover på tabellen. No går vi inn med alt. No spelar vi for at vi skal spele i Tippeligaen i 2017.

Laster innhold, vennligst vent..

Siste video/lyd

Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.
Eit heilt spesielt forskingsprosjekt er i gang ved Runde i Herøy. Aldri før er det gjort ei så stor undersøkning med bruk av ny teknologi langs kysten for å kartlegge øko-miljøet. Målet er mellom anna å finne ut kvifor bestanden av toppskarv og lundefugl går så kraftig ned.