Flest fristbrot
Sjukehusa i Møre og Romsdal bryt framleis behandlingsfristane i langt større grad enn sjukehusa i resten av Midt-Noreg. Det viser eit oversyn som blir presentert for styret i Helse Midt-Noreg komande torsdag. Føretaket melder at dei arbeider med fleire tiltak som skal redusere fristbrota. I barne- og ungdomspsykiatrien skal dei mellom anna gjennomgå arbeidsprosessane i alle dei fire poliklinikkane. Dessutan skal arbeidsplanane for legane i føretaket gjennomgåast.
