Mot slutten av hausten set Fjord1 internt seg ned for å diskutere om det er berekraftig for drifta å fortsette med turistferje mellom Valldal og Geiranger.
Selskapet vil ikkje seie om det blir tatt sikte på å få til ei ny kontrakt.
Lønner seg ikkje
For sjølv om det har god auke dei siste sommarane, med mellom 15 og 20 prosent meir passasjerar i år enn i fjor, er det ikkje til å legge skjul på at turistferja i Valldal ikkje er spesielt lønnsam totalt sett, seier kommersiell direktør i Fjord1, Stian Hårklau.
– Av dei turistrutene vi har, så er det Valldal-Geiranger vi har hatt mest utfordringar med å få ei forsvarleg økonomisk drift på.
Han seier det for selskapet sin del er for tidleg å seie kva som skjer frå 2015 og framover.
Les og:
«Ei tragedie om ferja blir lagt ned»
Ragnar Lødøen har lang fartstid frå reiselivsnæringa i området. No er han pensjonist, men han brenn framleis for turistferja.
– Det blir vanskeleg å marknadsføre turistferja på skikkeleg vis når vi aldri kan vere sikre på om ho er her om dei neste to åra eller ikkje, seier han.
– Det er ei tragedie om den blir lagt ned, for her ligg det store moglegheiter for inntening. Men ein må vere villig til å ta dei rette grepa.
Les og:
Av tiltak som kan gjerast nemner han å utvide sesongen ferja går, og å sette inn ei større ferje slik at bilar ikkje blir sett att.
Lødøen håpar og trur som fleire i lokalmiljøet at turistferja vil halde fram. Mest av alt skulle han ønske Fjord1 våga seg på ei seg ei lengre kontrakt.
– Vi håpar på positivt vedtak frå Fjord1 om ny kontrakt utpå hausten. Her er eit betydeleg potensial som berre er delvis utnytta i dag, så at det ikkje lønner seg er ikkje eit haldbart argument.
