Fjernar lokale restriksjonar

Kriseleiinga i Kristiansund kommune opphevar strenge, lokale restriksjonar fordi smitten er under kontroll. Det betyr at det blir lov å besøke folk på sjukeheim og mellom anna kan treningssenter og badeland halde ope. Ti personar kan vere samla til innandørs arrangement og 200 på arrangement utandørs. Det lokale vedtaket om maksgrense for gjestar med skjenkeløyve blir også fjerna. Kommunen går over til gul beredskap og fylgjer dei nasjonale anbefalingane. Ordførar Kjell Neergaard takkar innbyggjarane for at dei har vore lojale og fulgt restriksjonane.