NRK Meny
Normal

Sjå bytrappene frå lufta

Dagen før nasjonaldagen brakar det laus med feiring i byparken i Ålesund. Dei populære bytrappene blir igjen opna for bruk, etter å ha vore stengde for renovering. Og det er ikkje småtteriar som ventar ålesundarane.

Laurdag 16. mai er det nyopning av trappene opp til Fjellstua i Ålesund. Sjå dei spektakulære bileta!

Dei nyrestaurerte trappene er klare for bruk frå laurdag 16. mai.

Fjellstua og trappene opp byfjellet Aksla er eitt av Noregs mest populære utsiktspunkt. Sidan 18. august i fjor har trappene vore stengt for restaurering, og både fastbuande og turistar har sakna å kunne ta turen opp dei 418 trinna i fjellsida.

Den 16. mai vert det offisiell opning i byparken, og frå klokka 13.00 kan du følgje opninga direkte på NRK Møre og Romsdal sine nettsider.

Populært turistmål

Då trappene vart sperra av i fjor var det mange som lurte seg forbi sperringane. Utan rekkverk og utan skikkelege trapper utsette turistar seg for livsfare då dei gjekk der.

I år har tusenvis av turistar i Ålesund blitt skuffa fordi trappene var stengde, og mange har også trassa sperringane.

Berre veker før opninga vart det oppfordra om å halde seg vekke frå trappene slik at opninga ikkje vart utsett, og før i år var det også frykt for at det skulle skje alvorleg ulykker i dei nesten ferdige bytrappene.

Den 16. mai kan alle som vil igjen nytte trappene, og dei aller ivrigaste kan delta i fellesmarsjen som vert arrangert under opninga.