Det var tidleg onsdag morgon at forbipasserande oppdaga at ein fiskebåt hadde gått ned ved Dyrnesvågen på Smøla.
– Båten låg til kai, og har tatt inn vatn sakte, men sikkert. Det var ingen om bord i båten då den gjekk ned, fortel operasjonsleiar ved Nordmøre og Romsdal politidistrikt.
Havariet har ført til diesel- og oljesøl i sjøen, og ein brannbåt vart kalla inn for å rydde opp i lekkasjen.