Fiksdal blir fylkesvaraordførar

Framstegspartiet har fordelt verva dei skal ha i fylkespolitikken, og det er no klart at Anne Marie Fiksdal frå Vestnes blir fylkesvaraordførar, skriv Sunnmørsposten.

Ho var også med i kampen om å bli ordførar i Vestnes, men vann ikkje fram i konkurransen med Høgre.

Geir Stenseth, som var Framstegspartiet sin førstekandidat på fylkesvalslista, blir leiar i kompetanse- og næringsutvalet.

Hans Olav Myklebust, Ørsta, blir leiar i samferdsleutvalet.

Frank Sve blir, ifølgje Sunnmørsposten, leiar i fylkestingsgruppa til Frp.